U HJUHHJATURI (Il soffiatore o il vento)

U HJUHHJATURI
Utri unchjàta, di li setti appanzunàta
lesta canta la nzapògna sonatùra di friscàta.
Ciaramejàru, hjatatùri d’ogni tempu
a Eolia o Lipari lu cumbèntu.
Vo signurìa ntrà l’arcipelagu tenitili boni
ca ndi spagnàmu pè li danni e li distruzioni.
Siculi ncarceràti a lu confìnu di lu continenti
e tempi di li tempi pe nu spiziu mpertinènti.
Pe curpa vostra, libbari a Brigghja sciorta
alluntanastivu la trinacria i mani storta.
A penitenza è dintra na peji, jocu siti mbujàti
Sulu lu patrùni, si boli, vui hjatàti.
Già nà vota, pè chiji marinàri ndubbitàti
di Troja lu guerrèru perdìu li stràti.
Nuju vi vidi, né s’arrèsci u vi toccàmo
comu l’arburu pega, però sapìmu u vi chiamàmu.
Li jorni chi sii forti di settentriùni,
Borea, li cazzi toi li spochi pè mari, terri e pè vajùni.
Quandu arrivi du ponenti e si duci i caramellu
Zefiru cangia la stagiuni, mutàmundi lu mantellu.
Du levanti manticiji tempestusu,
atri voti asciuttiàtu, Euru sii davèru curiùsu.
Di li parti nostri hjuhhj debuli e stancu
Du meridiuni, Ostru non è capaci u teni vancu.
Ma non finìu ccà lu hjatatùri
Figghj, nipùti, d’arràzza sempri puri.
A stija i Rosa, ottu di cunta ntà tuttu lu frunti
n’atri quattru a menzu all’atri quattru punti.
Cuminciàmu i sutta, no pè preferenza
ma pecchì vogghju mu si capisci la mia appartinènza.
Aria cadda chi tagghja lu hjatu
di lu menz’jornu orientàli, rina di Sciroccu vola atu.
Friddu, tagghjenti, comu lama di rasolu
I nord orienti, lu grecàli janchìja lu solu.
Gridànti e sperzànti di forza prepotenti
Lu maistràli, vota la manica a meridiuni i l’orienti.
Quandu arriva l’ammaraggiàta e chjovi cu li cati
lu marinàru dici c’a libecciu sugnu ligàti.
Eccellenti comandanti nommu t’addormenti , di tia abbisognàmu
ti vozzimu tantu beni e na sula cosa ti cercàmu
hjatija sempri e quandu voi
risparmiandi però li jorni di li nervi toi.