PERSEPHUNA (Dialetto Vibonese)

PERSEPHUNA

Loggia di lu Patri beneditta,
specchjanti ntà lu mari di Lampetia.
Storia e faragula la menti teni airta.

Carizza di Zefiru, Odissèo dici.
Rosa ventusa chi du ponenti hjati
Sulu ccà, sii accussì duci.

Suavi Vista di li Ciclopi Terri.
Forza potenti ntè visciari gugghjenti.
Barchi juntati all’ariu di li cirri.

Elìa e Muzzari arridinu ntra lu gurfu,
figghj ammelàti du cchjù atu Riventinu.
Ntra lu menzu v’è Caronti fumaturi di lu zurfu.

Cchà, propriu cchà, li pii a ttia votàti
Dezzàru ricunuscenza cchjù c’allatri.
Mammata perpetua lu vernu cu la stati.

Guardiana petra d’Ipponiu lu munti.
Surgiva casa di Persephuna liggenda.
Rispettu e divozioni a ttia pemmu ndi cunti.

Figghja, discindenti di famigghja ndivinata.
Siminata di lu rumbu ntra la terra
Fruttu nobili, di mamata ncarnata.

Di hjancu all’acqua trisceliana di Pergusa,
t’abbrazzau l’umbra rignanti.
Gnura di lu scuru cantau la musa.


sei coccia di frutta magàra arrubinata.
Porta chjusa a lu suli accaluranti.
Mugghjeri d’ Adi pè sempri distinata.

Sbentura, perdita grandi.
Li messi non vozziru cchju di chi sapìri,
capizzàli i morti, tu cumandi.

A la porta di lu suli s’abbussàu cercandu.
Pocu riposu subba l’agelasta petra.
Lu patri di li patri azàu lu jiditu pè cumandu.

Sei coccia, tantu, pè li misi all’annu,
mu si torna a la terra in paru tempu.
S’apri la porta di l’Avernu senza affannu.

Stigi, stortu a lu traguardu porta,
D’avanti nu guardianu i natru mundu.
Ribbrezzanti mastinu pè cui non era morta.

Felinu nimaliu a tri testi orripilanti
L’animi alluntàna senza mu hjata.
Tirrori di lu pilu asserpentatu sibilanti.

Psicupompu avi la via, quando iju voli.
Nu viaggiu ntrà lu nigru mundu.
Demetra a Persephuna profumu di violi.

A nà nticchja di nu lustru a menzu, du menzu, di lu menzu,
nu cronu signa metà di lu annu,
cacciati vannu dui misi e dui jorni e menzu.

Cielu bellu, caddu e suli longu doppu lu viernu,
signanu di sempri li stagiuni
Onori a Persephuna chi nchjana di lu mpernu.

Ma… e ,si non fussi statu?
Non è megghju mò, grazzi a lu ngannu?
Ma… è liggenda o storia e fatu ?